SENSACIONAL
Podedes mercar o CD , e outros productos da colmea no link www.laabejaegipcia.com
O bico das abellas
23/12/08
Dous ferrados de eucaliptos
Palabras na PAISAXE : Dous ferrados de eucaliptos
Autor:Agustín Agra Barreiro
Publicado en "La voz de Galicia" con data 28/11/2008
Transcorrían os amansados anos corenta do pasado século cando o señor Manolo tomaba a decisión de plantar no herdo do seu pai, deixándose levar polos ventos que traía a nova política forestal, unha leira de dous ferrados de eucaliptos. Non había especie que medrase máis rápido e dese tanta madeira aproveitábel, lle dixeran; e, xa que logo, a ningunha outra plantación lle podería tirar máis rendemento.
Quince anos despois, a comezos dos xa remexidos sesenta, achegouse machado en man ao seu cultivo, cortou aquelas árbores rectilíneas e esveltas, e aínda lle sacou un bo quiñón a aquela ceifa. Era certo o que falaran, ningunha outra árbore lle tería rendido beneficios de xeito tan rápido. Deixou a abrollar no monte os rebentos novos e dispúxose a agardar, cobizando que moi logo lle desen unha nova colleita.
Vinte anos despois, a comezos dos revoltos oitenta, plantouse no eido serrón en man, arramplou outra volta co que medrara na súa propiedade, gardou o produto da venda na cartilla da caixa de aforros, e comezou a esperar paciente pola terceira anada.
Dez anos despois, contento de que, até o de entón, librara de que lle puxesen lume e de que ningunha pista fendera a súa facenda, acercouse co neto a inspeccionar como avanzaba o engorde dos seus cartos, disposto a calcular canto tempo habería de tardar en botar man da motoserra. Alí atopou, desalentado, como, o que el agardaba que fosen uns espécimes vizosos e ergueitos, non eran máis que uns latóns famélicos, tan raquíticos que non servirían nin para a vara do rastro dos berberechos.
Non agardaba que el puidese entender ren da explicación que lle podería dar, nin de ciclos bioxeoquímicos, nin do papel dos organismos descompoñedores nas pirámides tróficas, menos aínda do papel que desempeñan nas dinámicas de renovación da materia. Nada lle dixen. Mais os sopesados argumentos que busquei para que comprendese o que acontecera nada puideron facer. Inútil foi intentar aclararlle que sementara uns vexetais voraces que acidificaban e secaban o solo; que o motivo dos seus males era que o alimento da terra, os nutrientes que gardaba, estaban a esgotarse; que as sucesivas xeracións foran absorbendo polas raíces os imprescindíbeis sales minerais levándoos, ao tallalos, con eles; e que agora aqueles bechos eran incapaces de medrar, faltos dalgún elemento esencial para a súa subsistencia. Inútil, si.
Non houbo quen o desmontase da súa teoría, nin os da forestal nin un seu amigo e compañeiro de taberna, perito agrícola de profesión.
El continuou teimudo, porfiando o moi testán, en que os culpábeis de que os dous ferrados da súa finca se estivesen a converter nun ermo eran, sen dúbida, os fumes dos coches que transitaban pola estrada que abriran ao seu carón. El tíñao claro; envelenáranlle o terreo.
3/12/08
Repoboacións productoras , o monte artificial
No seguinte link podedes ver un video cunha duración aproximada de media hora , onde se fala das repoboacións feitas no monte de xeito artificial con funcións , inicialmente productoras , anque á sua vez tamén de protección e de fixación de carbono atmosférico .
23/11/08
Video "apadriña unha árbore" en catoira - CPI Catoira
Voo virtual sobre un Modelo Dixital do Terreo cos límites municipais dos concellos de comarca Ulla-Umia e a parcela que se está utilizando para o proxecto "Apadriña unha Árbore" por parte do CPI Catoira .
Non coñecemos cómo levan o tema os veciños de Catoira , mais animámolos a que todo vaia por bon camiño
PARABÉNS
4/10/08
... e de súpeto chegou o Outono
Cogomelos , castañas , paseos polo monte coa aperta dos raios de sol filtrandose entre as follas que mudan de morada e tapizan o chan de variadas cores . Outono
30/9/08
Pesticidas NON GRAZAS !!!!
No seguinte link , unha web de Xosé Manuel Duráns Orús que trata sobre o tema do dano de boa parte dos pesticidas usados no medio agroforestal galego para coas Abellas . Anímate a enviar un mail protesta ao valedor do pobo .
As abellas teñen un papel fundamental na polinización dos cultivos (valor económico moito maior que o coñecido da mel) , e que , segundo Einstein , no momento en que desaparezan as abellas , á humanidade quédanlle catro anos de vida .
http://www.pesticidasnongrazas.org/
6/8/08
Reportaxe gráfica da primeira andaina por parellas no Concello de Rois
No seguinte link podedes ver a galería fotográfica da camiñada por parellas no Concello de Rois .
http://picasaweb.google.es/andainabisbarradosar/CaminataPorParellasDeRois
Non dubidedes en pasarvos pola web e deixar os comentarios que desexedes .
www.andainabisbarradosar.com
27/6/08
Primeira Camiñada no Concello de Rois o 21 de Xuño de 2008
O vindeiro 21 de Xuño de 2008 colaboramos na primeira andaina por parellas no Concello de Rois . No seguinte link podes consultar mais información e anotarte
19/5/08
información sobre a enfermidade do chancro resineiro do piñeiro
No seguinte link podedes obter maior información sobre o chancro resineiro do piñeiro , que está a afectar en boa medida a parte dos piñeiros galegos .
http://www.efa-dip.org/comun/publicaciones/FTecnicas/Download/Ficha32_F%20circinatum.pdf
O colectivo remonte participou na dinámica de grupo "o monte é a nosa vida"
O pasado 22 de fevreiro participamos na dinámica de grupo "O monte é a nosa vida" . As conclusións publicaran-se en vindeiros días na prensa , mentres tanto podes ver un avance do que alí se falou noo seguinte link
http://monteindustria2.blogspot.com/2008/02/dinmica-de-grupo-o-monte-e-nosa-vida.html
1/5/08
ecoogler , o buscador ecolóxico
Para facer as tuas procuras na internete , proba a usar o buscador ecoogler ; empregando o motor de busqueda de google obterás os mesmos resultados , só que coa avantaxe de que cada procura feita transformase en bonos para reforestar o Amazonas coa ONG Aquaverde
Proba e verás :
www.ecoogler.com
O home que plantaba árbores
Para que o carácter dun ser humano deixe ver unha calidade realmente excepcional, é necesario ter a boa sorte de poder observar a súa acción durante longos anos. Se a súa acción está desposuída de todo egoísmo, se a idea que a dirixe é a dunha xenerosidade sen comparación, se é completamente certo que non buscou recompensa en ningunha parte e que ademais deixou sobre o mundo marcas visibles, entón estamos, sen risco de erros, diante dun carácter inesquecible.
O seguinte video pode seguirse a historia do home que plantaba árbores , trátase da curta de animación do canadiense Frèdéric Back, polo que recibeu o Premio Oscar á mellor curtametraxe animada en 1987.Disfrutadea
22/2/08
Fotos da plantación de Castiñeiros do Sábado 16
Cómo xa comentaramos nunha entrada anterior , o pasado sábado 16 de Fevreiro fixemos unha nova plantación do Colectivo Remonte grazas ás aportacións dos padriños e madriñas , e tamén das donacións que chegaron por outras persoas .
En Berxaus , pola tarde , e cun día ben agradábel de temperatura colocamos na finca seleccionada , uns 500 Castiñeiros Híbridos , que , tendo en conta as chuviñas dos días posteriores , esperemos sexan pronto árbores de proveito que fixen Carbono atmosférico , e contribúan a ter un "montegalego" mais agradábel.
Moitas grazas a todos os que , dun xeito ou doutro , participastes na plantación .
Unhas fotos para a lembranza .
19/2/08
Lémbrate que o 12 de Abril temos a Andaina pola Bisbarra do Sar
Toda a información que precisas no seguinte link , así como posibilidade de anotarse on-line !!!!!!
www.andainabisbarradosar.com
18/2/08
Dispoñibeis os diplomas do curso de Xestión Forestal Sostíbel
En vindeiros días contactaremos con cada un de vos , que a finais do 2007 acudistes con éxito ao curso de xestión forestal sostíbel . Temos no noso poder os Diplomas para repartirvos , anque outra opción é que chamedes vos ao móbel de Angel (presidente do Colectivo Remonte) para deixarvo-lo nalgún sitio en que podades pasar a recollelo .
Falamos
Lembrarse que o próximo Sábado 16 precisamos maos que nos axuden na plantación de frondosas caducifolias en Rumille . Saimos do Souto a iso das 16:30 h (fronte ao centro social)
6/2/08
Nova plantación de árbores o 16 de Febreiro do 2008
Se non hai novidade , o vindeiro 16 de Febreiro de 2008 (un sábado), logo de xantar procederemos cunha nova plantación de árbores frondosas caducifolias que as madriñas e padriños financiades coas vosas aportacións económicas .
Farémolo en Padrón , na aldea de Rumille , e precisaremos da vosa axuda para acadar o obxetivo . Vinde , traede aos pícaros , aos familiares , compañeiros . . . quen desexedes , pero precisamos da vosa axuda para plantar unhas 300 árbores ese día. Crucemos os dedos para que non chova
Teredes mais información proximamente na web e no blog .
13/1/08
Suscribirse a:
Entradas (Atom)
