Novas fotos da plantación feita en Dodro

Éxito da plantación de árbores en Dodro apadriñados pola empresa de moda Adolfo Dominguez

Da man da Asociación Ambiental Colectivo Remonte, os arredor de 160 alumnos do Centro Público Integrado Eusebio Lorenzo Baleirón de Dodro pasaron boa parte da mañá de onte en contacto coa natureza. Nunha parcela da aldea de Revixós, os escolares plantaron preto de 200 plantas de castiñeiro e carballo, que teñen un padriño de moda, a empresa galega Adolfo Domínguez. Pero o apadriñamento non se quedou so no papel, polo que a filla do deseñador ourensán asistiu a plantación e mesmo colleu a aixada na man para botarlle terra a varias árbores. Tiziana Domínguez explicou que no pasado Nadal a empresa decidiu regalar aos seus máis estreitos colaboradores unha árbore, que dende onte medra xa nunha parcela de Dodro que, ata hai dous meses, estaba chea de xestas.

Ao acto de plantación non so asistiron varios representantes do Colectivo Remonte, senón que tamén que contou coa colaboración do axente territorial para a Comarca do Sar da Consellería de Medio Rural, José Rodríguez, e os membros dun Equipo de Prevención de Incendios Forestais do Ministerio de Medioambiente. Previamente a saída a parcela, estes últimos falaron no centro educativo da prevención de lumes no monte. A charla tamén asistiu o xefe do Distrito IV Barbanza, Alberte Piñeiro.
Xa na leira, calzados con botas de goma e unha gorra na cabeza, neste caso obsequio de Adolfo Domínguez, os alumnos do CPI de Dodro, acompañados do profesorado do centro, demostraron que a aixada non lles é algo alleo polo que non dubidaron en collela para plantar as árbores e nalgúns casos ata se puxeron de manga curta debido ao esforzo, que a outros lles abriu o apetito e mesmo sacaron o bocadillo.
Todos coincidían en que a terra da parcela era moi boa polo que, dende o Colectivo Remonte, ninguén dubidou que as árbores prenderán sen problema. Así, o axente territorial animou aos escolares a volver no mes de marzo a finca para ver as medras das árbores. Dende o colexio, lembraron que os rapaces tamén fan plantacións dentro do recinto educativo polo que «aínda se lle dá ben isto de andar co sacho».
A pregunta de se estes escolares ían as leiras a traballar, todos coincidían en dicir que non salvo nalgún caso en que «me obrigan meus pais cando é de poñer ou quitar as patacas», dixo un deles. Outro rapaz recoñeceu que «meu avó si que ía a leira, se facía falta da mañá a noite». Ao final, plantaron arredor de 200 plantas de castiñeiro e carballo, especies frondosas e de folla caduca que o Colectivo Remonte quere levar a aquelas zonas arrasadas polos incendios ou en abandono.
A Asociación Ambiental Colectivo Remonte naceu no ano 2006 para poñer en marcha accións dirixidas a recuperar e reforestar as zonas queimadas pola vaga de lumes e, dende entón, xa fixo varias plantacións a través do seu programa Apadriña unha árbore que, nesta ocasión, contou co apoio da empresa ourensá Adolfo Domínguez. Pola súa banda, a firma téxtil aproveitou para afianzar o seu compromiso coa ecoloxía, tal e como lembrou onte Tiziana Domínguez. Coa plantación onte de case 200 árbores apadriñadas, o Colectivo Remonte ten a día de hoxe uns 300 padriños e madriñas e conta de seguir incrementando o número dado o fin da acción.

O Colectivo Remonte realiza o venres a plantación de 200 árbores apadriñadas por Adolfo Domínguez

A Asociación Ambiental Colectivo Remonte, con sede en Padrón, realiza o venres unha plantación de ao redor de 200 plantas de castiñeiro e carballo nun terreo do lugar de Lestrove, no municipio de Dodro. As árbores están apadriñados pola empresa Adolfo Domínguez que, o pasado Nadal, regalou aos seus máis estreitos colaboradores unha árbore que agora axudará a reforestar unha zona afectada polos graves incendios do ano 2006 ou, ben, en estado de abandono.
A actividade do venres comeza no Centro Público Integrado Eusebio Lorenzo Baleirón de Dodro, onde persoal do Colectivo Remonte impartirá unha charla técnica sobre a posterior plantación e sobre os incendios forestais. A continuación, os 160 alumnos do colexio, con idades comprendidas entre os 5 e 14 anos, desprazaranse ata a leira elixida para a reforestación.
A asociación ambiental facilitaralles as plantas (120 de castiñeiro e 80 de carballo), así como as ferramentas necesarias para a plantación e ata bos consellos prácticos para que as plantas teñan o máximo arraigamento posible. Está previsto que asista algún representante da empresa Adolfo Domínguez, posiblemente a filla do deseñador. Con esta iniciativa, a firma afianza «ou seu claro compromiso entre moda e ecoloxía».
O Colectivo Remonte naceu por mor dos incendios de 2006. Ten en marcha un programa que leva por título Apadriña un árbore, para reforestar con especies frondosas autóctonas zonas afectadas polos lumes.

Fonte La Voz de Galicia (Mércores 27 Xaneiro 2010)

21 de Xaneiro 2010 Paremos o Decretazo contra o galego

Adolfo Domínguez apadriña árbores en Dodro . A firma téxtil de Ourense vai colaborar coa asociación ambiental Colectivo Remonte, de Padrón

La Voz de Galicia 03/01/10

Adolfo Domínguez apadriña árbores en Dodro

A firma téxtil de Ourense vai colaborar coa asociación ambiental Colectivo Remonte, de Padrón

Dende a súa creación no ano 2006 como resposta a vaga de lumes forestais que asolaron Galicia nos meses de xullo e agosto, a asociación ambiental Colectivo Remonte, con sede en Padrón, ten en marcha un programa-acción que leva por título Apadriña unha árbore. Como froito deste programa, a entidade ven desenrolando accións de plantación de árbores frondosas caducifolias en parcelas de monte afectadas polos incendios forestais ou en grave estado de abandono, principalmente na comarca do Sar, e grazas as aportacións económicas de madriñas e padriños que participan no programa así como do titular da parcela que se beneficia desta acción.
Fieis a esta tradición, neste Nadal e comezo do ano 2010, o Colectivo Remonte e a empresa Adolfo Domínguez S.A. fan a súa felicitación cunha árbore. Deste xeito, o «compromiso» de Adolfo Domínguez co medio ambiente materialízase este Nadal nunha nova iniciativa sostible co que agasallará aos seus máis estreitos colaboradores cunha árbore coa que participan na reforestación dos montes galegos, maltreitos polo lume.
Con esta colaboración, Adolfo Domínguez «contribúe ao proxecto integral que o Colectivo Remonte desenrola en Galicia», segundo sinalan dende a propia asociación. Ademais, este ano, coa entrada na empresa de Tiziana Domínguez como responsable do departamento de Responsabilidade Social, a empresa afianza o seu claro compromiso entre moda e ecoloxía.
Para a reforestación, o Colectivo Remonte conta cunha parcela situada no municipio de Dodro, concretamente en Lestrove, de xeito que convidará a un colexio próximo para que participe directamente nas labores de plantación. Para iso, proporcionaralle aos escolares as plantas, as ferramentas e o auxilio de persoal experimentado, que os guiará con consellos prácticos para que a plantación conte co máximo arraigo posible

Boas-Víndas ao sítio do Apalpador

Boas-Vindas ao sitio web do Apalpador

www.apalpador.net

O Apalpador, também conhecido como Pandigueiro na Terra de Trives, é um gigante carvoeiro que mora nas montanhas durante todo o ano e que desce às aldeias, vilas e cidades nos dias 24 ou 31 de Dezembro à noitinha, para apalpar as barriguinhas às crianças e comprovar se comêrom bem ao longo do ano. Chega-se-lhes à noite, caladinho, apalpa-lhes o ventre e, se estiverem cheias, murmura-lhes cuidadoso aos ouvidos: “Assim, assim estejas o ano todo”. Se, polo contrário, comprova que tenhem a barriguinha baleira, torce o sobrolho, deixa-lhes umha presada de castanhas às caladas, e vai-se preocupado.

Esta figura mítica da tradiçom do Natal galego está com certeza relacionada com figuras semelhantes, sobreviventes noutros locais da cornija Cantábrica, como o “Esteru” cántabro ou o “Olentzero” basco, razom que dá para suspeitar tratar-se dumha figura de origem comum que tivo umha extensom bem maior no passado, tendo ficado relegada posteriormente — como tantas outras cousas — aos redutos mais afastados e inacessíveis da nossa geografia.

Hoje, por fortuna, o Apalpador torna a visitar todas as casas de todos os nenos e nenas onde é chamado.

Paciência - Lenine

a mellor defensa contra o ataque do gando polo lobo . . . ter unhas burras mesturadas co gando . Ecolóxico e sostíbel

Así parece , ter burras mesturadas co gando é un sistema áxil , barato e sostíble para afastar o lobo do gando . Mira o seguinte video e difundeo entre os gandeiros que teñan problemas co seu gando polo ataque do lobo e cans asilvestrados .

Uns minutos para a relaxación

Tomade un respiro de 45 minutos ; sentade cómodos e poñede os altofalantes con volume axeitado .
Uns minutos para relaxarse non veñen mal

O Colectivo Remonte promove unhas charlas didacticas nos colexios de Padrón orientadas á prevención contra incendios forestais

Agora que chega o Verán , época mais conflictiva a nivel de lumes forestais , o Colectivo Remonte auxiliado pola EPRIF que desenrola os seus traballos na Barbanza fomos quen de promover unhas charlas divulgativas nos colexios de Padrón , con vistas a que os mais novos sexan quen de coñecer a importancia que ten o monte na nosa vida , e a importancia da prevención e a extinción dos incendios forestais , cara a sua conservación . Nas seguintes fotos queda reportaxe gráfica do que foi unhas das charlas .
Posteriormente fixemos unha viaxe á base de helicópteros de Lomba (Santa Comba) para coñecer polo miudo o xeito en que se traballa na extinción de incendios forestais cunha cuadrilla helitransportada . As nenas e nenos disfrutaron moito do que se lles contou , de poder subir e baixar do helicóptero , tocar as ferramentas de extinción . . .
O nosos maiores agradecimentos a todos os compoñenetes da EPRIF e da base de Helicópteros de Lomba, que prestaron a máxima colaboración na impartición destas charlas .