Uns minutos para a relaxación

Tomade un respiro de 45 minutos ; sentade cómodos e poñede os altofalantes con volume axeitado .
Uns minutos para relaxarse non veñen mal

O Colectivo Remonte promove unhas charlas didacticas nos colexios de Padrón orientadas á prevención contra incendios forestais

Agora que chega o Verán , época mais conflictiva a nivel de lumes forestais , o Colectivo Remonte auxiliado pola EPRIF que desenrola os seus traballos na Barbanza fomos quen de promover unhas charlas divulgativas nos colexios de Padrón , con vistas a que os mais novos sexan quen de coñecer a importancia que ten o monte na nosa vida , e a importancia da prevención e a extinción dos incendios forestais , cara a sua conservación . Nas seguintes fotos queda reportaxe gráfica do que foi unhas das charlas .
Posteriormente fixemos unha viaxe á base de helicópteros de Lomba (Santa Comba) para coñecer polo miudo o xeito en que se traballa na extinción de incendios forestais cunha cuadrilla helitransportada . As nenas e nenos disfrutaron moito do que se lles contou , de poder subir e baixar do helicóptero , tocar as ferramentas de extinción . . .
O nosos maiores agradecimentos a todos os compoñenetes da EPRIF e da base de Helicópteros de Lomba, que prestaron a máxima colaboración na impartición destas charlas .

Video apresentación sobre a situación actual da Caza en Galicia

A Presente video-apresentación recollida na internete amosa con bastante veracidade a situación actual da Caza en Galicia . Abundan os cazadores ou os escopeteiros?
Uns minutos de reflexión .

Éxito da II camiñada por parellas no Concello de Rois

Onte , 20 de Xuño , e baixo un sol de xustiza , 125 parellas de andaregos foron quen de desfrutar da II camiñada por parellas no Concello de Rois . Polos comentarios da xente a ruta proposta gustou moito e o día animada a desfrutar dela . Á ultima hora , e como de costume , sorteo de agasallos para os participantes e un churrasquiño e pinchos para recuperar os folgos .
Estade atentos á web www.andainabisbarradosar.com para visualizar fotos , comentarios (bos e malos) . . .
Xa andamos argallando novidades para a camiñada 2010

película HOME

Película HOME que alerta sobre o mal uso do medio ambiente . Os científicos alertan quer so temos 10 anos para mudar os nosos malos hábitos de vida e propor medidas que axuden a por en orde a vida humana cos ritmos normais da natureza . A duración é de 1 hora e media , pero paga a pena visualizala .

Seguir o link seguinte

http://www.youtube.com/watch?v=SWRHxh6XepM

O Colectivo Remonte tamén presente en Madeira (Portugal)

As seguintes fotos foron tomadas no ponto mais alto da Illa de Madeira (Portugal) , "O Pico Ruivo" , e foron enviadas por un colaborador da nosa Asociación . Se tes algunha foto cunha camisola do Colectivo Remonte en algunha parte do Mundo e queres publicala aquí , fainola chegar a info@montegalego.org

II Andaina por parellas no Concello de Rois

Saudos remonteiros , na seguinte nova queremos comentar que xa temos preparada a II Andaina por parellas no Concello de Rois . Logo do éxito da II Andaina Bisbarra do Sar (do que tivestes cumprida información) toca prepararse para os 16 Km por parellas no Concello de Rois o vindeiro 20 de Xuño . Toda a información sobre a proba podedes ollala no link www.andainabisbarradosar.com , así como o cartaz que amosamos a continuación .Invitamos á xente a participar nesta proba .

II Andaina Parellas Rois

Publish at Scribd or explore others: Illustrations & Maps

O Monte na Galiza - a creatividade do bosque

Deixamos un link a un video de aproximadamente 25 minutos , onde se pode ollar a variedade de conformación do monte galego . Disfrutadeo e tomade nota dos comentarios do narrador en canto a transición das especies forestais no espazo xeográfico

O Colectivo Remonte participa no primeiro encontro do ecoloxismo galego

O colectivo Remonte participou o pasado sábado no primeiro encontro do ecoloxismo galego , coa teima de por en común as experiencias e os recursos educativoambientais empregados polas asociacións ecoloxistas nos últimos anos.

Sigue ao link

http://www.federacionecoloxista.org/modules.php?name=Content&pa=showpage&pid=11

Algunhas imaxes do estado da plantación feita coas aportacións económicas das madriñas e padriños

Unha pequena escolma fotográfica da plantación que se fixo o pasado ano 2008 coas aportacións das madriñas e padriños que seguistes o proxecto "apadriña unha árbore" . A diferencia doutras iniciativas de plantación de árbores , que xeralmente fracasan pola falta de coidados posteriores , no noso proxecto ambiental contemplamos a obrigatoriedade de continuar os coidados ás árbores nos anos inmediatamente posteriores.
Nas seguintes fotos observades os desbroces feitos na plantación . As seguintes fotos na Primavera , cando as árbores se vistan coas follas da tempada